ករណីរថយន្តដឹកឈើគ្រញូង បុកមនុស្សស្លាប់២នាក់ នៅខេត្តកំពង់ធំ ដែលព្រះរាជអាជ្ញា បញ្ជាឲ្យតាមចាប់ជនល្មើសនោះ ជាកូនប្រសារមេរងអាវុធហត្ថខេត្ត, ក្រោយរុះរើ សមត្ថកិច្ចរកឃើញឈើគ្រញូង១២៨ដុំ

រួមគ្នាលើកស្ទួយផលិតផលខ្មែរ! ទីផ្សារសណ្តែកផ្កាយ (ព្យាបាលជម្ងឺទឹកនោមផ្អែម កាត់ជាតិខ្លាញ់ និងបន្ថយជាតិពុល) មានការចាប់អារម្មណ៍ខ្លាំង និងបានជួយបង្កើនជីវភាព ប្រជាពលរដ្ឋ ក្រោយពេលត្រូវប៉ាន់ខ្លាំង

តុលាការ​បញ្ជូន​អង្គរក្ស​លោក​ សួន​ សេរី​រដ្ឋា​ ទៅ​មណ្ឌល​បន្សាប​គ្រឿងញៀន​ (ភ្នំពេញ​)៖ បុរស​ម្នាក់​ជា​អង្គរក្ស​ លោក​ សួន​ សេរី​រដ្ឋា​ ប្រធាន​គណបក្ស​អំណាច​ខ្មែរ​ ត្រូវ​បាន​លោក​ សៀង​ សុខ​ ព្រះ​រាជ​អាជ្ញា​រង​នៃ​អយ្យការ​អម​សាលា​ដំបូង​រាជធានី​ភ្នំពេញ​ សម្រេច​នៅ​ល្ងាច​ថ្ងៃ​ទី​១៥​ ខែ​សីហា​ នេះ​ បញ្ជូន​ទៅ​មណ្ឌល​បន្សាប​គ្រឿងញៀន​ នៅ​ក្រាំងធ្នង់​ ខណ្ឌ​សែនសុខ ។ នគរបាល​ព្រហ្មទណ្ឌ​កម្រិត​ធ្ងន់​នៃ​ស្នងការដ្ឋាន​នគរបាល​រាជធានី​ភ្នំពេញ​ បាន​បញ្ជូន​ឈ្មោះ​ ម៉ុម​ សួង​ អាយុ​៤៤ឆ្នាំ​ ជា​អង្គរក្ស​លោក​សួន​ សេរី​រដ្ឋា​ និង​ មាន​អនិកជន​ខ្មែរ​រស់នៅ​សហរដ្ឋ​អាមេរិក​ មក​អយ្យការ​អម​សាលា​ដំបូង​រាជធានី​ភ្នំពេញ​ ដើម្បី​សាកសួរ​ពី​ដំណើរ​រឿង​​រក្សា​ទុក​អាវុធ​ខុសច្បាប់​(កាំភ្លើង​ជ័រ)​ និង​ ធ្វើ​តេស្ត​ទឹក​នោម​មាន​សារធាតុ​ញៀន​។​ ប៉ុន្តែ​ក្រោយ​ការ​សាកសួរ​ អង្គរក្ស​រូបនេះ​ គ្មាន​បទ​រក្សា​ទុក​អាវុធ​ខុសច្បាប់​ទេ​ ទើប​លោក​ព្រះ​រាជ​អាជ្ញា​រង​ សៀង​ សុខ​ សម្រេច​បញ្ជូន​ទៅ​មណ្ឌល​បន្សាប​គ្រឿងញៀន​។ នគរបាល​ បញ្ជាក់​ថា​ ជនសង្ស័យ​ឈ្មោះ​ ម៉ុម​ សួង​ អាយុ​៤៤ឆ្នាំ​ ជា​អង្គរក្ស​លោក​សួន​ សេរី​រដ្ឋា​ និង​មាន​អនិកជន​ខ្មែរ​រស់នៅ​សហរដ្ឋ​អាមេរិក​ ត្រូវ​បាន​នគរបាល​ឃាត់ខ្លួន​កាលពី​ល្ងាច​ថ្ងៃ​ទី​១២​ ខែ​សីហា​ នៅ​ក្នុង​ផ្ទះ​លោក​សួន​ សេរី​រដ្ឋា​៕